POKUS NG PANDIWA, May hokus pokus ba?

 Pagpalain kayong mga butihing estudyante na nagsusumikap!

Isang mahalagang katangian ang pagkakaroon ng pokus o diin ng mga ideya sa kabuuang diskusyon o paliwanag. Ito ay maumpisahang matamo sa pag-unawa sa mga pokus ng pandiwa. Kailangan ito upang magkakaroon ng kabuuang pag-unawaan sa pinag-usapan o sa nababasa. Kaya sa paglinang nga kasanayan ng wika sa pasulat  o pasalita mahalaga ang tungkol sa POKUS NG PANDIWA. 

Ang pokus ng pandiwa ay ang kaugnayan ng simuno/paksa ng pangungusap tungo sa pandiwa nito. Makilala din ito sa taglay na panlapi ng isang pandiwa. May pitong (7) pokus din ang pandiwa: (1) pokus sa tagaganap, (2) pokus sa layon, (3) pokus sa ganapan, (4) pokus sa tagaganap, (5) pokus sa gamit, (6) pokus sa sanhi, at (7) pokus sa direksiyon. 

Pansinin ang mga uri ng pokus ng pandiwa at ang mga panlaping palatandaan:

1. Pokus sa tagaganap. mag-, at um-, mang-, maka- at makapag-

¨ Bumalangkas ng batas ang mga Senador para sa kapakanan ng mga mamamayan.

¨ Dumaan ang bagyong Pablo sa Pilipinas lalo na sa     Compostela Valley. 

2. Pokus sa layon. i-, -an, ma-, ipa-, -in

¨ Ipinapatupad ang batas tungkol sa protesyon at pangangalaga sa mga kababaihan.

¨ Ang COVID-19 Pandemic  ay ipinagluksa sa buong daigdig.

   3. Pokus sa ganapan. an/han, pag...an/han, pang...an/han

¨ Pinaglilikuman ng datos ng estudyante sa History 1 ang simbahan ng Intramuros  Manila.

¨ Dinausan ng Reunion Party ‘92 ang Canigao Island, Matalom Leyte.

 4. Pokus sa  tagatanggap. i-, ipang-, ipag-,

¨ Ipinagkalooban siya ng gawad Alagad ng Sining.

¨ Pinasasalamatan ng turista ang taxi driver na nagsasauli ng kanyang nawalang bag na  may perang umabot ng PhP50,000.

  5. Pokus sa gamit. ipang-, ipinang

¨ Ipinang-imprinta ni Ginoong Ting ang Epson L110 ng 1000 kopya ng aklat.

¨ Ipinangkarera ni Jovie Adlawan ang kanyang bagong motorsiklo.

   6. Pokus sa sanhi. i-, ika-, ikapang-,

¨ Ikakababa ng ekonomiya sa Pilipinas ang pagdaan ng  mga kalamidad sa taong 2012.

¨ Ang aking proyekto na may pamagat na “Mula Tula Mula sa Puso” ay ikinatuwa ni Binibining Susan Lobitaña.

   7. Pokus sa direksiyon. an/han, 

 ¨ Binisitahan  ng mga Turista ang Tinago Cave sa Hindang Leyte.

¨ Pupuntahan ni  Marlon ang Portuguese Embassy sa Jakarta Indonesia.

 

 Walang hokus pukus ang pagkilala sa mga pokus ng pandiwa kung ang isang estudyante ay isang mapagmatyag sa panlaping ginagamit.

 

 

 

 


Mga Komento

Mag-post ng isang Komento

Mga sikat na post sa blog na ito

MGA WIKANG OPISYAL: MGA WIKANG PANREHIYON, FILIPINO AT ENGLISH

             Naging wikang opisyal  sa Pilipinas ang ang Filipino ( na noo’y Pilipino) noong 1940 sa ilalim ng Batas Komonwelt Bilang 570. Sa taong 1968 ipinalabas ng kalihim ng Tagapagpaganap Rafael M. Salas ang Memorandum Sirkula Bilang 172 na nagbibigay-diin na ang ‘letterhead “ ng mga kagawaran, tanggapan, at mga sangay ng pamahalaan ay nararapat na nasusulat sa Pilipino,  pati na ang panunumpa sa tungkulin ng mga pinuno at empleado  ng pamahalaan ay sa Pilipino rin. Itong lahat ay mga kalakaran nakalipas na nagpapatunay na ang Filipino ay dati nang wikang opisyal sa Pilipinas. Ngunit, dahil sa nagbabago na ngayon ang kapakanan ng bawat isa at sa epekto ng globalisasyon, bukod sa wikang Filipino, kasama ang iba pang wika. Nangangahulugang hinirang ng mga pinuno ng bansa ang mga wika bilang opisyal sa paaralan, tanggapan at sa korenpondensiya—sa komunikasyon. Ang wikang opisyal ay nagsasaad na wikang magagamit sa transaksyonal na komu...
Magbasa nang higit pa

TAGALOG: BATAYAN SA PAGLINANG NG WIKANG PAMBANSA

Ang suliraning pangwika sa Pilipinas ay nararanasann na noon pang panahon ng Kastila. Isang malaking suliranin noong ang hindi pagkakaintindihan dahil sa iba’t ibang wikang sinasalita ng bawat pulo. Ang mga Kastila ay nag-aaral ng wikang katutubo upang matugunan nila ang kanilang layunin. Ngunit sa pagdaan ng panahon, dahil ang Ka-Maynilaan ang naging sentro ng bansa, maraming mga Pilipino ang natuto ng Tagalog. Ang Tagalog ay naging lingua franca sa buong   bansa at natutunan ng mga sinuman sa simulang makipagsalamuha sa sentro ng bansa. Alinsunod ng batas Tydings-Mc Duffie o Batas sa Kasarinlan na pinagtibay ni Franklin D. Roosevelt noong Marso 24, 1934 nagkakaroong ng pamahalahaang komonwelt ang Pilipinas, at si Manuel Luis Quezon, ang pangulo ng bansa at si Sergio Osmena bilang pangalawang pangulo—-ang pamahalaang napasailalim ng kapangyarihang Amerikano kailangang magkakaroon ng wikang pambansa ang Pilipinas upang tuluyan itong makalaya sa kasunduang mabigyang kalayaan ang P...
Magbasa nang higit pa

Ano Depinisyong ng WIKANG FILIPINO Ayon sa Resolusyon ng KWF sa Taong 1996?

 Mga Butihing Estudyante, Pagpalain kAyo! Ito ay isang tulong sa pag-aaral at layuning mapuno kayo sa kaalaman, sa panulat na ito ay mapag-alaman niyo ang kahulugan ng Wikang Filipino bilang pambansang wika na naayon sa batas. Unang dapat mabatid ng mga estudyanteng kumukuha ng asignaturang Filipino  ang matukoy kung ano ang kahulugan ng Filipino. Ang pinakamadaling kahulugan nito ay ang Filipino ay ang pambansang wika sa Pilipinas na nabubuo hango sa iba’t ibang wika at wikain sa Pilipinas. At, para maging tiyak, ang Komisyon sa Wikang Filipino noong Agosto 1996,   ay nagbibigay ng kahulugan ng Filipino bilang wika at ito ay nagsasasaad na: Ang Filipino ay ang katutubong wika na ginagamit  sa buong bansa bilang wika ng komunikasyon ng mga  etnikong grupo.  
Magbasa nang higit pa